ग्रामपंचायत निवडणूक पात्रता व आवश्यक कागदपत्रे | ऑनलाइन अर्ज प्रक्रिया

ग्रामपंचायत निवडणूक पात्रता व आवश्यक कागदपत्रे | ऑनलाइन अर्ज प्रक्रिया Documents Required for Gram Panchayat Election सरपंच हा ग्रामपंचायतीचा प्रमुख असतो. सरपंच ग्रामपंचायतीचा अध्यक्ष किंवा सभापती म्हणून गावाचा कारभार पाहत असतो. त्याच्या मदतीला ग्रामसेवक, सदस्य व शिपाई असतात. गावाच्या शासकीय कारभाराचा प्रमुख म्हणून त्याची निवडणुकीद्वारे नेमणूक होते. या लेखात आपण सरपंच पदाची निवडणूक लढवण्यासाठीची पात्रता, आवश्यक कागदपत्रे आणि उमेदवारीची ऑनलाईन नोंदणी कशी करता येईल याबद्दल सविस्तर माहिती पाहणार आहोत.

ग्रामपंचात निवडणुका राज्य निर्वाचन आयोगामार्फत घेण्यात येते. जिल्हाधिकारी राज्य निर्वाचन आयोगाचा प्रतिनिधी म्हणून जिल्ह्यातील ग्रामपंचातींच्या निवडणुका घेत असतो. त्यानुसार तो जिल्ह्यातील निवडणूकांवर देखरेख करीत असतो.

ग्रामपंचायत निवडणूक पात्रता:

१.  ती व्यक्ती भारतीय असावी.

२. व्यक्तीचे वय २१ वर्षे पूर्ण झालेले असावे.

३. ग्रामपंचायत क्षेत्रात मतदार म्हणून त्याचे नाव नोंदवलेले असावे.

४. त्या व्यक्तीकडे संबंधित ग्रामपंचायत, जिल्हा परिषदेचा कोणतीही कर थकबाकी नसावी.

५. शासकीय कर्मचारी असू नये.

६. ती व्यक्ती गुन्हेगार असू नये.

७. दोन पेक्षा जास्त अपत्य असू नयेत.

८. किमान सातवी उत्तीर्ण असावा.

गावातील सर्वच व्यक्तींना ग्रामपंचायत कारभारात सहभाग घेता यावा, यासाठी राखीव जागांची तरतुद ७३ व्या घटनां दुरूस्तीनुसार करण्यात आली आहे. अनुसुचीत जाती व अनुसूचित जमातीची लोकसंख्येच्या प्रमाणात ठरलेल्या नियमाप्रमाणे काही जागा त्यांच्यासाठी राखीव असतात. तर मागास प्रवर्गात भटक्या जाती व विमुक्त जातीच्या प्रतिनिधीसाठी एकूण जागांपैकी २७ टक्के जागा राखीव असतात. त्याचप्रमाणे महिलांना विशेष आरक्षण देण्यात आले आहे. अनुसूचित जाती-जमाती आणि मागासवर्ग भटक्या व विमुक्त जाती-जमातींना दिलेल्या आरक्षणात आणि खुल्या वर्गात अशा प्रत्येक ठिकाणी एक तृतीयांश जागा महिलांसाठी राखीव ठेवण्यात येतात.

सरपंच उमेदवारी अर्जसाठी आवश्यक कागदपत्रे:

१. निवडणूक निर्णय अधिकारी यांच्या समोरील शपथ पत्र

२. निवडणूक निर्णय अधिकारी यांच्या समोरील घोषणा पत्र

३. ओळखपत्र - आधारकार्ड, पॅनकार्ड, आणि मतदान कार्ड इत्यादी

४. ग्रामपंचातकडून थकबाकी नसल्याचे प्रमाणपत्र

५. राखीव जागेसाठी आरक्षण असेल तर जातीचे प्रमाण पत्र

६. आरक्षित असेल तर जात वैधता प्रमाण पत्र

७. रहिवासी दाखला

८. उमेदवार इतर वार्डमधून उमेदवारी अर्ज भरत असेल तर मतदार यादी जोडा

९. वयाचा दाखला

१०. घरी शौचालय असल्याचा दाखला

११. कौटुंबिक माहिती आणि मुलांच्या जन्म तारखा

१२. नवीन बँक पासबुक राष्ट्रीयकृत बँक

ग्रामपंचायत निवडणूक ऑनलाइन अर्ज प्रक्रिया:

सरपंच निवडणुकीसाठी Gram panchayat election विहित पात्रता असेल तर पुढील संकेतस्थळावर जाऊन ऑनलाईन नोंदणी करता येते. https://panchayatelection.maharashtra.gov.in/ सर्वप्रथम वेबसाइटवर आवश्यक माहिती भरुन 'युजर नेम' आणि 'पासवर्ड' मिळवावा. त्यानंतर लॉगिन करून नामनिर्देशनपत्राचा नमुना उपलब्ध असेल त्याप्रमाणे अर्ज करावा.

१. संकेतस्थळाच्या सूचनेनुसार वैयक्तिक माहिती, विभाग नाव, जिल्हा, तालुका निवडा व त्यानुसार ग्रामपंचायत निवडून इतर माहिती निवडून नोंदणी करावी.

२. नोंदणी झाल्यावर वेबसाइटवर दिलेल्या नामनिर्देशनपत्राचा नमुना भरून त्याचे प्रिंट आउट घेऊन त्यावर स्वाक्षरी करावी.

३. स्वाक्षरी केलेली प्रिंट आउट निवडणूक निर्णय अधिकाऱ्याकडे विहित वेळेत आवश्यक कागदपत्रासह दाखल करावी.

या लेखात आपण ग्रामपंचायत सरपंच निवडणूक पात्रता व आवश्यक कागदपत्रे आणि निवडणूक ऑनलाइन अर्ज प्रक्रिया पाहिली. लेख आवडला तर इतरांसोबत सामायाईक करा. संबंधित काही प्रश्न असतील तर टिप्पणी करून नक्की कळवा.

तुम्‍हाला या पोस्‍ट आवडू शकतात

•  ग्रामपंचायत उमेदवारांची अंतिम यादी तसेच, उमेदवाराचे शपथपत्र व वैयक्तिक माहिती

•  महाराष्ट्रातील कोणत्याही ग्रामपंचायतची मतदारांची यादी - पहा तुमच्या मोबाईलवर

•  ग्रामपंचायत निवडणूक निकाल 2021 पहा ऑनलाईन

•  ऑनलाईन सातबारा उतारा (७/१२) कसा काढायचा?